«Manchester Siti» bosh murabbiyi Xosep Gvardiola Premyer-liga doirasidagi o‘zaro o‘yin oldidan «Arsenal» haqida o‘z fikrlarini bildirib o‘tdi.

«Arsenal» barcha jihatdan kuchli jamoa. Yakkakurashlarda ham, jismoniy kurashlarda ham ular juda faol. Ular qaytgan to‘plarga egalik qilishda mahoratli, shuningdek, chuqur himoyadan hujumga o‘tish fazasida juda xavfli hisoblanishadi. Bu borada ular eng zo‘rlar qatorida.

Ular juda agressiv o‘yin namoyish etishadi. Bunga qo‘shimcha ravishda — standart vaziyatlari. Aynan shu sababli ham ular hozirgi egallab turgan pozisiyalariga munosibdirlar. Ular Chempionlar ligasining yarim finaligacha yetib borishdi va butun mavsum davomida APLda peshqadamlik qilishmoqda. Men hali ham ular bilan yonma-yon ekanimizdan va raqobatlashayotganimizdan faxrlanaman. Afsuski, Chempionlar ligasida emas, lekin APL va boshqa turnirlarda kurashni davom ettiryapmiz», — dedi Gvardiola matbuot anjumanida.

«Manchester Siti» va «Arsenal» jamoalari 19 aprel kuni maydonga tushishadi.