ESPN нашри саҳифаларида Англия Премьер-лигасининг жорий мавсумдаги энг яхши футболчилари рейтинги эълон қилинди. Ушбу рўйхатда «Манчестер Юнайтед» ярим ҳимоячиси Бруну Фернандеш пешқадамлик қилмоқда.
Иккинчи поғонани «Манчестер Сити» ҳужумчиси Эрлинг Холанд эгаллаган бўлса, кучли учликка «Арсенал» ярим ҳимоячиси Деклан Райс якун ясаб берди.
Кучли ўнталикнинг кейинги ўринларидан кетма-кет равишда Вильям Салиба, Букайо Сака, Райан Шерки, Жереми Доку, Мойсес Кайседо, Доминик Собослаи ва Габриэль дос Сантос жой олишди.
Айни дамда Англия чемпионати турнир жадвалида «Арсенал» биринчи ўринда бормоқда. Иккинчи поғонадаги «Манчестер Сити» битта кам ўйин ўтказган ҳолда пешқадамдан олти очкога ортда қолмоқда.
