Миланнинг «Интер» клуби ярим ҳимоячиси Николо Барелла «Кальяри» устидан қозонилган ғалабадан (3:0) сўнг интервью берди.
29 ёшли футболчи учрашувнинг 56-дақиқасида ўз собиқ жамоаси дарвозасини ишғол қилиб, ҳисобни 2:0 кўринишига келтирди.
«Бугунги голимни футбол оламида мен учратган энг яхши инсонлардан бири — Рино Гаттузога бағишладим. У ЖЧ-2026 йўлланмаси учун курашда бундай ҳафсаласи пир бўладиган якунга лойиқ эмасди, худди барчамиз каби. Қийин дамларда бўлса-да, йўлларимиз кесишганидан хурсандман», — деди Барелла DAZN мухбири билан суҳбатда.
Эслатиб ўтамиз, Женнаро Гаттузо Италия терма жамоаси жаҳон чемпионати саралашининг плей-офф финалида Босния ва Герцеговинага мағлуб бўлгач, бош мураббийлик лавозимини тарк этган эди.
