«Сантос» ҳужумчиси Неймар МЛСнинг «Цинциннати» клуби томонидан бўлаётган қизиқишлар ҳақидаги маълумотларга изоҳ берди.

«Тўғрисини айтсам, бу ҳақда ҳеч нарса билмайман», — дея 34 ёшли бразилиялик футболчининг сўзларини келтиради ESPN.

Неймарнинг сўзларига кўра, у 2026 йилнинг охиригача амал қиладиган амалдаги шартномасини охиригача етказиб қўйиш ниятида.

Жорий мавсумда Неймар 8 та ўйинда майдонга тушиб, 4 та гол урди ва 3 та голли узатмани амалга оширди. Эслатиб ўтамиз, у аввалроқ «ПСЖ», «Барселона» ва «Ал-Ҳилол» жамоаларида тўп сурган.