«Милан» клубининг инглиз ярим ҳимоячиси Рубен Лофтус-Чик жароҳатидан сўнг сафга қайтди ва аллақачон майдонга тушишга улгурди. У берган интервьюсида яқин келажак борасидаги оптимистик фикрлари билан ўртоқлашди.
Лофтус-Чик 22 февраль куни «Парма» дарвозабони Эдоардо Корви билан тўқнашиб кетиб, сафдан чиққан эди.
«Бундай ҳолатлар ўйин вақтида содир бўлиб туради. Корви иккаламиз тўп учун курашдик, ҳар иккимиз ҳам унга эга чиқмоқчи эдик. Ўйиндан кейин у менга хабар ёзиб, узр сўради. Мен эса муаммо йўқлигини ва бу футболда бўлиб туришини айтиб жавоб қайтардим. Ёмон кунлар ортда қолди», — дея футболчининг сўзларини келтиради pianetamilan.it.
Ҳозирда «Милан» Италия чемпионати турнир жадвалида учинчи ўринни эгаллаб турибди.
