Италия чемпионатининг 33-тури жума кунидан бошланди. Миланнинг «Интер» клуби, чемпионатнинг асосий фаворитига хос тарзда, «Кальяри» дарвозасига учта тўп киритди, бироқ голларнинг барчаси иккинчи бўлимда урилди.

Бу натижа эвазига «Интер» мавсумдаги 25-ғалабасини қўлга киритди — жамоа бунга 33 та учрашувда эришди. Клуб тарихида атиги тўрт марта 33-турга келиб бунчалик кўп ғалаба қайд этилган. Илк бор 1988/1989 йилги мавсумда ҳам 25 та ғалаба бўлган. Кейинчалик, 2006/2007 йилги мавсумда бу кўрсаткич 26 тага етган. Ниҳоят, икки йил олдин, яъни 2023/2024 йилги мавсумда жамоа 33 та ўйиндан сўнг нақ 27 та ғалабага эга эди.

Юқорида келтирилган барча ҳолатларда «Интер» Италия чемпионига айланган. Ҳозир ҳам жамоанинг чемпион бўлишига ҳеч ким шубҳа қилмаяпти.