Жан-Филипп Матетанинг «Кристал Пэлас»даги келажаги футболчи янги шартнома имзолашни рад этганидан сўнг мавҳум бўлиб қолмоқда. Бу ҳақда Sky Sports хабар бермоқда.

Матета жамоада қолиш таклифини рад этгач, «Кристал Пэлас» раҳбарияти музокараларни қайта бошлашга унчалик иштиёқ билдирмаяпти. Унинг амалдаги шартномаси 2027 йилнинг июнь ойида якунига етади. Эслатиб ўтамиз, Франция терма жамоаси ҳужумчиси (3 ўйин, 2 гол) ўтган қишда «Милан»га ўтишга жуда яқин келганди, бироқ тиззасидаги муаммолар сабабли трансфер амалга ошмай қолганди. Жарроҳлик амалиётидан сўнг «Лион» академияси битирувчиси март ойи ўрталарида майдонга қайтди ва апрелда яна гол уришни бошлади.

Ушбу футболчи мавсум давомида ўтказилган 40 та ўйинда 13 та гол ва 2 та голли узатмани ўз ҳисобига ёздириб қўйган. Transfermarkt портали Матетанинг қийматини 35 миллион еврога баҳоламоқда.