«Манчестер Юнайтед» уч ўйиндан бери давом этаётган ғалабасиз сериясига чек қўйди.
Шанба куни «МЮ» АПЛнинг 33-тури доирасидаги сафар ўйинида «Челси»ни мағлуб этди (1:0). Бунгача бўлиб ўтган турда жамоа «Лидс»га имкониятни бой берган (1:2), ундан аввал эса «Борнмут» билан дуранг ўйнаган эди (2:2).
Бугунги баҳсдаги ғалаба манкунианликлар учун Майкл Кэррик бошқарувидаги 12 та ўйиндаги саккизинчи муваффақият бўлди. Янги мураббий қўл остида «МЮ», шунингдек, икки бор мағлубиятга учради ва икки марта дуранг қайд этди.
27 апрель куни «Манчестер Юнайтед» ўз майдонида «Брентфорд»ни қабул қилади.
