«Manchester Yunayted» uch o‘yindan beri davom etayotgan g‘alabasiz seriyasiga chek qo‘ydi.
Shanba kuni «MYU» APLning 33-turi doirasidagi safar o‘yinida «Chelsi»ni mag‘lub etdi (1:0). Bungacha bo‘lib o‘tgan turda jamoa «Lids»ga imkoniyatni boy bergan (1:2), undan avval esa «Bornmut» bilan durang o‘ynagan edi (2:2).
Bugungi bahsdagi g‘alaba mankunianliklar uchun Maykl Kerrik boshqaruvidagi 12 ta o‘yindagi sakkizinchi muvaffaqiyat bo‘ldi. Yangi murabbiy qo‘l ostida «MYU», shuningdek, ikki bor mag‘lubiyatga uchradi va ikki marta durang qayd etdi.
27 aprel kuni «Manchester Yunayted» o‘z maydonida «Brentford»ni qabul qiladi.
