«Манчестер Сити» вингери Антуан Семеньо жамоа бош мураббийи Хосеп Гвардиола ҳақидаги фикрлари билан ўртоқлашди.
«Гвардиола — даҳо. Унда ғоялар жуда кўп ва ҳар бир жамоавий йиғилишда биз янги нарсаларни ўрганамиз. У жуда кўплаб совринларни қўлга киритган, бу эса уни дунёдаги энг муваффақиятли мураббийлардан бирига айлантиради. Ҳатто ишлар унчалик яхши кетмаётган тақдирда ҳам, унинг захирасида доим қандайдир режа борлигини биласиз. У шунчаки даҳо», — деди Семеньо Men in Blazers нашрига берган интервьюсида.
