Аввал хабар қилганимиздек, 26 август куни Бразилиянинг Рио-де-Жанейро шаҳрида дзюдо бўйича катталар ўртасида жаҳон чемпионати баҳслари бошланди. Унда 123 давлатдан келган 680 нафар спортчилар 14 вазн тоифасида (7 тадан эркаклар ва аёллар) ғолиблик учун кураш олиб борадилар.

Бу йилги мусобақанинг аҳамиятли жиҳатларидан бири унда илк бор жамоавий мусобақалар ҳам ўтказилади. Жаҳон чемпионатининг яккалик баҳсларида 14 комплект медаллар ўйналса, жамоавий мусобақаларда 2 та комплект медаллар учун беллашувлар бўлиб ўтади.

Мазкур жаҳон чемпионатида Ватанимиз шарафини 9 нафар спортчимиз ҳимоя қилади. Булар, Диёрбек Ўрозбоев (-60 кг), Мирзоҳид Фармонов (-66 кг), Ришод Собиров (-66 кг), Мирали Шарипов (-73 кг), Наврўз Жўрақобилов (-73 кг), Яҳё Имомов (-81 кг), Эркин Дониёров (-90 кг), Рамзиддин Саидов (-100 кг) ва Соиб Қурбонов (-100 кг). Терма жамоа бош мураббийси Андрей Штурбабин.

Қуйида юртимиз спортчиларининг саралаш босқичи дастлабки беллашувларидаги рақиблари берилган:
60 кг. Диёрбек Ўрозбоев – Кадҳим Кадҳим (Ироқ)

66 кг.
Ришод Собиров – Колин Оатес (Буюк Британия)
Мирзоҳид Фармонов – Сергей Лим (Қозоғистон)

73 кг. Мирали Шарипов – Александр Медина (Эквадор)

81 кг. Яҳё Имомов – саралаш босқичининг дастлабки беллашувидан озод қилинган. Иккинчи босқичда Робен Пасек (Швеция) – Виталий Дидчук (Украина) ғолиби билан баҳс юритади.

90 кг. Эркин Дониёров – Касимиро Бенто (Ангола)

100 кг.
Соиб Қурбонов – Люис Бойякоуб (Жазоир)
Рамзиддин Саидов – саралаш босқичининг дастлабки беллашувидан озод қилинган. Иккинчи босқичда Ясон Костер (Янги Зеландия) – Жос Мерлин (Эквадор) ғолиби билан баҳс юритади.