"Манчестер Сити" раҳбарияти ярим ҳимоячи Фил Фоденнинг вакиллари билан музокаралар олиб бормоқда. Томонлар янги меҳнат шартномасини муҳокама қилишяпти. Бу ҳақда Британия матбуотида хабар берилган.

Фоденнинг янги шартномаси 2030 йилнинг ўрталаригача мўлжалланиши мумкин. Унда келишувни яна бир мавсумга узайтириш имконияти кўзда тутилади. 25 ёшли хавбек ва "шаҳарликлар" ўртасидаги амалдаги шартнома муддати 2027 йилнинг июнь ойи охирида тугайди.

Ярим ҳимоячининг бозор қиймати 80 миллион еврога баҳоланмоқда. Англия Премьер-лигасининг жорий мавсумида Фоден 27 та ўйин ўтказиб, ўз ҳисобига еттита гол ва учта голли узатмани ёздириб қўйди.