Мадриднинг "Атлетико" клуби дарвозабони Хуан Муссо жамоанинг Испания Кубоги финалида "Реал Сосьедад"дан учраган мағлубиятига (2:2; пенальтилар бўйича 3:4) изоҳ берди.
"Биз бор кучимизни бердик, аммо бу сафар бу етарли бўлмади. Ишончимиз тебранмас бўлиб қолади ва биз бошимизни баланд тутамиз, чунки муваффақиятсизликка учрашнинг ягона йўли — ҳаракат қилишдан ва орзу қилишдан тўхташдир. Биз янада кучлироқ ва жипслашган ҳолда қайтишимизга шубҳам йўқ.
Биз ҳали тарихга кўплаб саҳифаларни ёзишимиз керак ва Худо бу оила учун буюк ишларни тайёрлаб қўйган. Севильяда биз билан бирга бўлган ва бизни сўзсиз қўллаб-қувватлаган барчага миннатдорчилик билдираман.
"Реал Сосьедад"ни табриклайман — муносиб чемпионлар!", — деб ёзди Муссо ижтимоий тармоқдаги саҳифасида.
