Мадриднинг "Реал" клуби ярим ҳимоячиси Эдуарду Камавинга Чемпионлар лигаси чорак финалидан ўрин олган "Бавария"га қарши жавоб ўйинида (4:3) захирадан майдонга тушганидан 25 дақиқа ўтиб қизил карточка олгач, кийиниш хонасида йиғлади. Бу ҳақда Marca нашри хабар бермоқда.

Манбанинг маълумотига кўра, "қаймоқранглилар" футболчилари кийиниш хонасига ҳакамликдан ғазабланган ҳолда кириб келишган, бироқ "бутунлай руҳан тушган" Камавингани кўриб, тинчланишган. Таъкидланишича, француз ярим ҳимоячиси қарама-қаршилик тақдирини ҳал қилган хатога йўл қўйганини англаб етган футболчи каби кўринган. "Реал" ўйинчилари Камавингани қўллаб-қувватлашган.

Ярим ҳимоячи ўз исми "қаймоқранглилар"нинг трансфер рўйхатида борлигини англаб турибди.