Суперлига 8-турида "Бунёдкор" сафарда "Сўғдиёна" меҳмони бўлди ва 2:3 ҳисобида ғалабага эришди.

Зомин шаҳридаги “Зомин” сатадионида ўтган ўйин тенг курашлар остида ўтди. Учрашувда ҳисоб 4-дақиқада мезбонларнинг македониялик ҳужумчиси Люпчо Дориев томонидан очилди. 26-дақиқада Дориев дубль қайд этиб, жамоасининг устунлигини таъминлади.

Шундан сўнг “Бунёдкор” фаоллашди. 38-дақиқада Билолхон Тошмирзаев ҳисобни қисқартирди. Иккинчи бўлим “қалдирғочлар”нинг устунлиги остида ўтди. 50-дақиқада жарима зарбасидан гол киритган Тошмирзаев дубль қайд этди ва мувозанатни тиклади. 70-дақиқада Самандар Мавлонқуловнинг узатмасини голга айлантирган Билолхон Тошмирзаев хет-трикни расмийлаштирди ва жамоасининг ғалабасини таъминлади.

Ушбу ғалаба эвазига “Бунёдкор” очколари сонини 16 тага етказиб олди ва турнир жадвалининг 4-поғонасига кўтарилди. “Сўғдиёна” эса 5 очко билан 15-ўринда бормоқда.
“Бунёдкор” 24 апрель куни 9-турда ўз майдонида “Андижон”ни қабул қилади. “Сўғдиёна” эса 23 апрель куни “Навбаҳор”га қарши баҳс олиб боради.

Ўзбекистон Суперлигаси, 8-тур
“Сўғдиёна” — “Бунёдкор” 2:3
Голлар: 1:0 — Дориев (4), 2:0 — Дориев (26), 2:1 — Тошмирзаев (38), 2:2 — Тошмирзаев (51), 2:3 — Тошмирзаев (70).

Куннинг яна бир баҳсида "Қўқон-1912" ўз майдонида "Андижон"ни қабул қилиб, нурсиз дурангга имзо чекди - 0:0.

Қўқон шаҳридаги “Марказий” сатадионида ўтган ўйин тенг курашлар остида ўтди, бироқ дарвозалар ишғол қилинмади.

Ушбу натижа эвазига Андрей Шипилов бошқарувидаги “Қўқон-1912” очколари сонини 8 тага етказиб олди ва турнир жадвалининг 11-поғонасига жойлашди. “Андижон” эса 7 очко билан 13-ўринда бормоқда.

Ислом Аҳмедов бошқарувига ўтган “Андижон” 24 апрель куни 9-турда “Бунёдкор” майдонига сафар қилади. “Қўқон-1912” эса 24 апрель куни “Қизилқум” меҳмони бўлади.

Ўзбекистон Суперлигаси, 8-тур
“Қўқон-1912” — “Андижон” 0:0