«Манчестер Сити» ярим ҳимоячиси Бернарду Силва «Арсенал» устидан қозонилган 2:1 ҳисобидаги ғалабадан сўнг ўз фикрларини билдирди.
«Бу жуда муҳим ғалаба, чунки энди қолдирилган ўйинда ғалаба қозонсак, очколар бўйича «Арсенал»га етиб олишимиз мумкин. Икки ҳафта олдин бундай сценарийнинг амалга ошиши амримаҳолдек туюлганди. Энди улар билан бир хил даражага келиб олишимиз мумкинлигидан хурсандман.
Йўл қўйган хатоимизгача жуда яхши ўйин кўрсатаётган эдик. Иккинчи бўлим оғир кечди. Биз ўйинни назорат қилдик, лекин шу билан бирга «Арсенал» жуда хавфли эканлиги доим сезилиб турди. Уларда бир нечта қулай вазиятлар бўлди. Бундай учрашувларда ҳамма нарсани кичик деталлар ҳал қилади. Умуман олганда, яхши ўйин ўтказдик. Мен жамоам билан фахрланаман», — деди Силва Sky Sports нашрига.
