«Ливерпуль» марказий ҳимоячиси Виргил ван Дейк мисрлик ҳужумчи Муҳаммад Салоҳнинг клубдан кетиши ҳақида фикр билдирди. Футболчи жорий мавсум якунланганидан кейин мерсисайдликлар сафини тарк этади.
«Салоҳ ҳам майдонда, ҳам унинг ташқарисида жамоа учун жуда муҳим. Баъзида футболчиларни улар кетганидан кейингина қадрлай бошлайдилар. У ажойиб жамоадош, биз биргаликда ҳам ғалабаларни, ҳам мағлубиятларни бошимиздан ўтказдик. Премьер-лиганинг қолган учрашувларида унинг ёрдами бизга жуда керак бўлади», — дея нидерландиялик ҳимоячининг сўзларини келтирмоқда Sky Sports.
Салоҳ 2017 йилнинг ёзидан буён Англиянинг ушбу топ-клубида тўп суриб келмоқда. 33 ёшли мисрлик футболчининг бозор қиймати 30 миллион еврога баҳоланмоқда.
