Франция чемпионатининг 30-тури доирасидаги ўз майдонида кечган баҳсда «ПСЖ» кутилмаганда «Лион»га 1:2 ҳисобида имкониятни бой берди. Париж гранди таркибида навбатдаги бор россиялик дарвозабон Матвей Сафонов майдонга тушди. Мезбонлар ҳимоячиси Люка Эрнандес жамоадоши ўтказиб юборган ҳар икки голга изоҳ берди.
"Лион" голларни қандайдир ажойиб комбинациялар эвазига ургани йўқ. Биринчи голда меҳмонларга тўпнинг рикошет бўлиши (йўналишини ўзгартириши) ёрдам берди, иккинчиси эса тезкор қарши ҳужумдан сўнг содир бўлди. Уларда бошқа вазият бўлгани йўқ. Агар биз 11 метрлик жарима тўпини (пенальтини) голга айлантирганимизда, ҳаммаси бошқача якунланиши мумкин эди», — дея футболчининг сўзларини келтирмоқда Lequipe.
Луис Энрике шогирдлари 63 очко жамғарган ҳолда Лига 1 жадвалида пешқадамлик қилишмоқда ва иккинчи ўриндаги «Ланс»ни бир очкога ортда қолдиришмоқда.
