Италиянинг «Милан» клуби ўзининг техник ҳомийси — Puma компанияси билан шартномани узайтиришга тайёр. Бу борадаги музокаралар қизғин паллага кирган, деб хабар бермоқда pianetamilan.it.
Манбанинг аниқлик киритишича, агар келишув амалга ошмай қолса, бошқа муқобил вариантлар ҳам бор — хусусан, булар Nike ва Adidas компаниялари бўлиши мумкин.
Эслатиб ўтамиз, куни кеча Массимилиано Аллегри шогирдлари сафарда «Верона» устидан ғалаба қозонишди ва Италия чемпионати турнир жадвалида иккинчи ўринга қайтишди. Навбатдаги турда эса улар Туриннинг «Ювентус» жамоасига қарши майдонга тушадилар.
