«Ливерпуль» бош мураббийи Арне Слот Англия чемпионатининг 33-туридан ўрин олган «Эвертон»га қарши баҳсда ярим ҳимоячи Кёртис Жонснинг кўрсатган ўйинидан мамнун бўлди.

Учрашув «Ливерпуль»нинг 2:1 ҳисобидаги ғалабаси билан якунланди.

«Бугун Жонснинг ўйини менга жуда манзур бўлди. У ажойиб ўйнади. Рақибнинг яккама-якка вазиятларда жуда кучли бўлган энг яхши футболчиларидан бирига қарши тўп билан хотиржам ҳаракат қилди», — дея Слотнинг сўзларидан иқтибос келтиради Sky Sports.

«Ярим ҳимоячи учун худди у каби ҳимояланиш — катта мақтовга лойиқ иш. Ўйлайманки, Жонс дастлабки 20 дақиқани истисно қилганда, ўз позициясини тўғри танлаши билан ҳужумларимизни қулай ривожлантиришда жамоага жуда кўп ёрдам берди». «Ўтган мавсумда у финал ҳуштагидан кейин ҳам курашар эди (кучини кераксиз жойга сарфларди), бугун эса — 100 дақиқадан ортиқ вақт давомида майдонда фойдали ҳаракат қилди», — дея қўшимча қилди Слот.

Мураббий бу билан футболчи илгари ўз энергиясини нотўғри йўналишда сарфлагани, аммо ҳозирда вазият ижобий томонга ўзгарганини назарда тутган.