Топ-клубларнинг янги нишони аниқ бўлди. «Генк» клубининг 18 ёшли ярим ҳимоячиси Константинос Карецас АПЛ грандлари эътиборини тортди. Бу ҳақда SportsBoom нашри хабар бермоқда.

Футболчи ҳозирда «қарийб бутун Премьер-лигада машҳурликка эришган. «Ливерпуль» Карецасни Муҳаммад Салоҳнинг ўрнини босиш бўйича кенг кўламли режанинг бир қисми сифатида кўрмоқда. Шунингдек, «Арсенал», «Челси», «Манчестер Сити» ва «Манчестер Юнайтед» ҳам грециялик футболчига қизиқиш билдирмоқда.

Жорий мавсумда Константинос Карецас «Генк» сафида 46 та ўйинда майдонга тушди. Ушбу баҳсларда у 3 та гол урди ва 18 та голли узатмани ўз ҳисобига ёздириб қўйди. Transfermarkt портали ярим ҳимоячининг нархини 35 миллион еврога баҳоламоқда.