Мадриднинг «Реал» клуби президенти Флорентино Перес келаси мавсум учун жамоа таркибини шакллантириш ишларини бошлаб юборди.
Клуб раҳбарияти таркибда бир қатор ўзгаришларни амалга оширишни режалаштирган. Хусусан, ёзги трансфер ойнаси вақтида ҳам янги футболчиларни сотиб олиш, ҳам мавжуд ўйинчилар билан хайрлашиш кутилмоқда.
Айни пайтда жамоани тарк этишга асосий номзод сифатида ярим ҳимоячи Дани Себальос кўрилмоқда. Маълумотларга кўра, футболчининг кетиши «жуда эҳтимолли» деб баҳоланмоқда ва Мадрид клуби ушбу ўйинчи борасидаги таклифларни кўриб чиқишга тайёрлигини билдирган.
Маълумот учун, Дани Себальос «Реал Мадрид» сафида жами 214 та учрашувда майдонга тушган. Ушбу баҳслар давомида яримҳимоячи 7 та гол урган ва 16 та голли узатмани амалга оширган.
