Англиянинг «Ливерпуль» клуби ҳимоячиси Ибраима Конате жамоадаги келажаги ва амалдаги шартномасини узайтириш борасидаги музокаралар ҳақида тўхталди.
Маълумот учун, франциялик футболчининг мерсисайдликлар билан амалдаги келишуви жорий йилнинг июнь ойи якунига қадар мўлжалланган. Конатенинг таъкидлашича, клуб билан олиб борилаётган музокаралар якуний босқичга келган.
— Бу борада кўп гапирилди, аммо биз клуб билан анчадан бери музокаралар олиб бормоқдамиз ва келишувга жуда яқинмиз. Ўйлайманки, барча бу жараён тезроқ якунланишини истайди. Биз тўғри йўлдамиз. Кейинги мавсумда ҳам шу ерда қолиш эҳтимолим жуда юқори, чунки мен доим шуни хоҳлаганман, — деди ҳимоячи.
