«Борнмут» клуби Дортмунднинг «Боруссия»нинг собиқ бош мураббийи Марко Розени келаси мавсумдан жамоа бош мураббийи этиб тайинланганини расман эълон қилди.
«Борнмут» Марко Розени клуб бош мураббийи лавозимига таклиф этилганини тасдиқлашдан мамнун. У билан уч йиллик шартнома имзоланди ва у 2025/2026 мавсуми якунидан сўнг кучга киради.
49 ёшли мутахассис Европа футболида юқори даражада катта тажрибага эга. У аввал «Ред Булл Зальцбург», «Боруссия» Мёнхенгладбах, «Боруссия» Дортмунд ва «РБ Лейпциг» жамоаларида фаолият олиб борган», — дейилади «Борнмут» расмий сайтида.
Аввалроқ жамоанинг ҳозирги бош мураббийи Андони Ираола мавсум якунида клубни тарк этишини маълум қилган эди.













