«Манчестер Юнайтед» клуби «Палмейрас»нинг 16 ёшли иқтидорли вингери Эдуардо Консейсао учун 40 миллион евро тўлашга тайёр. Бу ҳақда UOL портали хабар бермоқда.
Манбанинг таъкидлашича, инглиз клуби вакиллари яқин кунларда бразилиялик футболчи бўйича расмий таклиф билан чиқишлари кутилмоқда. «МЮ» скаутлари Консейсаонинг ҳаракатларини Жанубий Америка ёшлар чемпионатида кузатишган. Ушбу турнирда футболчи 2 та гол урган, Бразилия терма жамоаси эса учинчи ўринни эгаллаган эди.
Бироқ, 40 миллионлик таклиф «Палмейрас»ни қаноатлантириши қийин, чунки Бразилия клуби ўз тарбияланувчиси учун камида 50 миллион евро олмоқчи. Аввалроқ бу футболчига «Манчестер Сити» ва «Барселона» клублари ҳам қизиқиш билдирган эди. Шунга қарамай, Эдуардо Консейсао ФИФА қоидаларига кўра, 18 ёшга тўлгунига қадар «Палмейрас» ихтиёрида қолади.
