Италиялик журналистлар Роберто Манчинидан Дженнаро Гаттузо кетганидан кейин яна бош мураббийнинг «қаттиқ қўли»га муҳтож бўлиб қолган миллий терма жамоага қайтиш имконияти ҳақида сўрашди. Бироқ, Манчини бу саволга тўғри жавоб беришдан қочди.
«Мен «Ас-Садд» билан мавсумни якунлашим керак. Лекин телефон, ҳа, гоҳида қўнғироқ қилиб туради. Масалан, ўғилларим қўнғироқ қилишади. Бошқа ҳеч нарса демайман», — деди Манчини. Унинг сўзларидан derbyderbyderby.it нашри иқтибос келтирмоқда.
Эслатиб ўтамиз, Манчини қўл остида Италия терма жамоаси 2021 йилги Европа чемпионатида ғолиб чиққан эди. Аммо 2023 йилнинг ёзида Манчини кутилмаганда терма жамоани тарк этиб, Яқин Шарққа йўл олганди.
