«ПСЖ» клуби Laureus талқинига кўра ўтган йилнинг энг яхши жамоаси деб топилди. Бу ҳақда «Спорт Оскари» номи билан машҳур ушбу мукофот ташкилотчилари ўз ижтимоий тармоқларида маълум қилишди.
Парижликлар ўтган мавсумда бир қатор турнирлар — Франция чемпионати, Кубоги ва Лига кубоги, шунингдек, Чемпионлар лигасида ғолиб чиқишган эди. Декабрь ойида эса улар ФИФА Қитъалараро кубогини қўлга киритишди.
Бошқа номинацияларга тўхталадиган бўлсак, Германия терма жамоаси собиқ аъзоси Тони Кроос «Спорт илҳоми» мукофотига сазовор бўлди, «Барселона» ҳужумчиси Ламин Ямал эса энг яхши ёш спортчи деб топилди. Йилнинг энг яхши спортчилари сифатида теннисчилар Карлос Алькарас ва Арина Соболенко эътироф этилди.
