«PSJ» klubi Laureus talqiniga ko‘ra o‘tgan yilning eng yaxshi jamoasi deb topildi. Bu haqda «Sport Oskari» nomi bilan mashhur ushbu mukofot tashkilotchilari o‘z ijtimoiy tarmoqlarida ma’lum qilishdi.
Parijliklar o‘tgan mavsumda bir qator turnirlar — Fransiya chempionati, Kubogi va Liga kubogi, shuningdek, Chempionlar ligasida g‘olib chiqishgan edi. Dekabr oyida esa ular FIFA Qit’alararo kubogini qo‘lga kiritishdi.
Boshqa nominasiyalarga to‘xtaladigan bo‘lsak, Germaniya terma jamoasi sobiq a’zosi Toni Kroos «Sport ilhomi» mukofotiga sazovor bo‘ldi, «Barselona» hujumchisi Lamin Yamal esa eng yaxshi yosh sportchi deb topildi. Yilning eng yaxshi sportchilari sifatida tennischilar Karlos Alkaras va Arina Sobolenko e’tirof etildi.
