«Борнмут» ҳужумчиси Эли Крупи агар потенциал харидор катта миқдордаги товон пулини тўласа, ёзги трансфер ойнасида клубини ўзгартириши мумкин. Бу ҳақда Football Insider нашри хабар бермоқда.

Манбанинг маълумотларига кўра, инглиз клуби раҳбарияти ҳужумчи сотувидан тахминан 70 миллион евро ишлаб олмоқчи. Аввалроқ матбуотда ушбу футболчига «Манчестер Юнайтед», «Челси», «Арсенал» ва «Ливерпуль» клублари қизиқиш билдираётгани ҳақида хабарлар тарқалган эди.

Жорий мавсумда Крупи 30 та учрашувда майдонга тушиб, ўнта гол уришга муваффақ бўлди. Ҳужумчининг «Борнмут» билан амалдаги меҳнат шартномаси 2030 йилнинг ўрталарига қадар мўлжалланган.