Мавсум давомида «ПСЖ»нинг иккинчи рақамли дарвозабонига айланиб қолган франциялик посбон Люка Шевалье, россиялик Матвей Сафонов билан рақобатда ютқазгани сабабли жамоани тарк этиши мумкин.
RMC Sport нашрининг хабар беришича, агар Париж грандидаги мавқеи ўзгармаса, дарвозабон клубни алмаштиришга тайёр. Шевальеда Англия Премьер-лигасида фаолиятини давом эттириш варианти мавжуд. Франциялик футболчига АПЛда жон сақлаб қолиш учун курашаётган Лондоннинг «Тоттенхэм» клуби қизиқиш билдирмоқда.
Жорий мавсумда Люка 26 та ўйинда майдонга тушиб, 28 та гол ўтказиб юборди. Ўнта учрашувда у ўз дарвозаси дахлсизлигини сақлаб қолган. Шевальенинг «ПСЖ» билан амалдаги шартномаси 2030 йил июнь ойи охиригача мўлжалланган. Дарвозабоннинг бозор қиймати 30 миллион еврога баҳоланмоқда.
