Италиялик таниқли инсайдер Маттео Мореттонинг хабар беришича, «Рома» клуби «Интер» ярим ҳимоячиси Давиде Фраттезини сотиб олиш имкониятларини жиддий ўрганиб чиқмоқда. Римликлар ўз тарбияланувчисини ёзги трансфер ойнасида жамоага қайтариш учун конкрет қадамларни ташлашга тайёр.
Гарчи Фраттезининг «нерадзуррилар» билан шартномаси 2028 йилгача амал қилса-да, «Интер» раҳбарияти муносиб таклиф тушган тақдирда футболчини қўйиб юбориши мумкин. Ҳозирда футболчининг трансфер қиймати тахминан 22 млн еврога баҳоланмоқда, бироқ Милан клуби камида 30 млн евро талаб қилиши кутилмоқда.
Маълумот учун, Давиде Фраттези жорий мавсумда «Интер» сафида 30 та ўйинда майдонга тушиб, 3 та голли узатмага муаллифлик қилди.
