Italiyalik taniqli insayder Matteo Morettoning xabar berishicha, «Roma» klubi «Inter» yarim himoyachisi Davide Frattezini sotib olish imkoniyatlarini jiddiy o‘rganib chiqmoqda. Rimliklar o‘z tarbiyalanuvchisini yozgi transfer oynasida jamoaga qaytarish uchun konkret qadamlarni tashlashga tayyor.
Garchi Frattezining «neradzurrilar» bilan shartnomasi 2028 yilgacha amal qilsa-da, «Inter» rahbariyati munosib taklif tushgan taqdirda futbolchini qo‘yib yuborishi mumkin. Hozirda futbolchining transfer qiymati taxminan 22 mln yevroga baholanmoqda, biroq Milan klubi kamida 30 mln yevro talab qilishi kutilmoqda.
Ma’lumot uchun, Davide Frattezi joriy mavsumda «Inter» safida 30 ta o‘yinda maydonga tushib, 3 ta golli uzatmaga mualliflik qildi.
