«Барселона» бош мураббийи Ханси Флик «Сельта»га қарши ўйин олдидан ўтказилган матбуот анжуманида клубдаги келажаги борасидаги режалари билан ўртоқлашди. 61 ёшли мутахассис каталонияликлар билан ҳамкорликни давом эттириш ниятида эканини очиқ маълум қилди.
«Мен шартномани узайтиришни режалаштиряпман. Бу борада мутлақо самимийман. Бу ерда мени энг яхши шароитлар ва инсонлар қуршаб турганини ҳис қиляпман. Карьерам, оилам ва ҳозирги ҳолатимдан жуда бахтлиман», — дея Фликнинг сўзларидан иқтибос келтиради Marca.
Германиялик мутахассиснинг «кўк-анорранглилар» билан амалдаги келишуви 2027 йилнинг июнига қадар мўлжалланган. Эслатиб ўтамиз, Флик бошқарувида «Барселона» аллақачон Испания чемпионлигини қўлга киритган.
