«Манчестер Юнайтед»нинг собиқ футболчиси ва клуб афсонаси Гари Невилл сайр пайтида ҳақоратларга дуч келди. Бу ҳолат акс этган видео ижтимоий тармоқларда тез тарқалди, деб ёзмоқда The Sun.
51 ёшли футбол эксперти аёл билан бирга юриб кетаётганида, бир шахс томонидан қўпол тарзда чақирилган ва камера олдида ҳақорат қилинган.
Видеода номаълум шахс Невиллга нисбатан қўпол ва ҳақоратли сўзларни ишлатади. Собиқ ҳимоячи бу чақириққа бурилиб: «Нима?» деб жавоб қайтарган.
Шундан сўнг, провокатор янада агрессив тарзда ҳақорат қилишни давом эттирган ва уни видеога олаётганини ҳам таъкидлаган. Шунингдек, у Невиллни оддий ишчи табақа ҳаётини тушунмасликда айблаган ва ҳатто унинг ўз мухлислари ҳам унга қарши чиққанини айтган.
Ҳозирча ушбу ҳолат юзасидан расмий изоҳлар берилгани ҳақида маълумот йўқ.













