Нидерландиялик мутахассис Арне Слот келаси мавсумда ҳам «Ливерпуль» бош мураббийи бўлиб қолиши кутилмоқда. Бу ҳақда Sky Sports хабар берди.
Манбага кўра, мерсисайдликлар Чемпионлар лигаси йўлланмасига яқин тургани сабаб, клуб раҳбарияти Слотга ишонч билдиришда давом этмоқда. Ёзги трансфер ойнасида жамоа таркибини кучайтириш бўйича қўшимча ишлар олиб борилиши режалаштирилган.
АПЛда 33 турдан кейин «Ливерпуль» 55 очко жамғариб, 5-ўринни эгаллаб турибди. Жамоа 6-поғонадаги «Челси»дан 7 очко олдинда бормоқда. 34-тур доирасида Слот шогирдлари «Кристал Пэлас»га қарши майдонга тушади. Ушбу учрашув 25 апрель куни бўлиб ўтади.
Эслатиб ўтамиз, Арне Слот «Ливерпуль»ни 2024 йил июль ойидан бери бошқариб келмоқда.













