Niderlandiyalik mutaxassis Arne Slot kelasi mavsumda ham «Liverpul» bosh murabbiyi bo‘lib qolishi kutilmoqda. Bu haqda Sky Sports xabar berdi.
Manbaga ko‘ra, mersisaydliklar Chempionlar ligasi yo‘llanmasiga yaqin turgani sabab, klub rahbariyati Slotga ishonch bildirishda davom etmoqda. Yozgi transfer oynasida jamoa tarkibini kuchaytirish bo‘yicha qo‘shimcha ishlar olib borilishi rejalashtirilgan.
APLda 33 turdan keyin «Liverpul» 55 ochko jamg‘arib, 5-o‘rinni egallab turibdi. Jamoa 6-pog‘onadagi «Chelsi»dan 7 ochko oldinda bormoqda. 34-tur doirasida Slot shogirdlari «Kristal Pelas»ga qarshi maydonga tushadi. Ushbu uchrashuv 25 aprel kuni bo‘lib o‘tadi.
Eslatib o‘tamiz, Arne Slot «Liverpul»ni 2024 yil iyul oyidan beri boshqarib kelmoqda.













