«Челси»нинг собиқ дарвозабони Пётр Чех Лондон клубининг жорий мавсумдаги ўйини ҳақида ўз фикрлари билан ўртоқлашди.

«Менимча, бугунги кунда жамоага назар ташласангиз, мавсум давомидаги барқарорликнинг йўқлиги, мураббийлар алмашинуви ва таркибдаги кўплаб ўзгаришларни кўрасиз. Бу шуни англатадики, жамоада ҳали шаклланган асосий ўзак ва барқарорлик мавжуд эмас. Бунинг учун эса вақт керак.

Ҳозирги «Челси»ни «Манчестер Сити», «Арсенал» ёки бошқа жамоалар билан рақобатлаша оладиган даражада барқарор деб ҳисобламайман. Жамоада нимадир етишмаяпти — эҳтимол, тажриба ёки катта ўйинларда қатнашиб, совринлар ютган футболчилар камлик қилаётгандир. Айни дамда клубда иқтидорлар кўп, аммо тажриба етишмаслиги очколар йўқотилишига сабаб бўлмоқда», — деди Чех Canal+ телеканалига берган интервьюсида.

Ҳозирда «Челси» АПЛ турнир жадвалида 33 турдан сўнг 48 очко жамғарган ҳолда олтинчи ўринда бормоқда.