«Комо» бош мураббийи Сеск Фабрегас Италия кубоги ярим финали доирасида «Интер»га қарши кечган баҳс якунлари ҳақида тўхталди. Ушбу мағлубиятдан сўнг Фабрегас шогирдлари мусобақадаги иштирокларини якунлашди.

Испаниялик мутахассис ўз жамоаси мағлуб бўлганига қарамай, кўрсатилган ўйиндан қониқиш ҳосил қилганини таъкидлади.

«Интер»ни табриклайман, улар яна финалда. Уларга қарши ўйнаш жуда қийин, лекин биз майдонда бор кучимизни бердик. Ушбу мағлубиятдан уялмайман, чунки биз ҳам муваффақиятга лойиқ эдик. Нима бўлганда ҳам, бизга қарши чемпионатдаги ғалабасини муддатидан олдин нишонлаш арафасида турган жамоа тўп сурди», — дея Фабрегаснинг сўзларини келтиради fcinter1908.it нашри.

Эслатиб ўтамиз, «Интер» икки ўйин натижасига кўра «Комо»дан устун келиб, Италия кубоги финалига йўл олди. Энди миланликлар финалда «Лацио» — «Аталанта» жуфтлиги ғолиби билан бош соврин учун кураш олиб боришади.