Бразилиянинг «Ботафого» клуби ярим ҳимоячиси Данило дос Сантос Санкт-Петербургнинг «Зенит» клубига ўтмайдиган бўлди.

Аввалроқ Россия клуби 25 ёшли футболчига жиддий қизиқиш билдираётгани ҳақида хабарлар тарқалган эди. Бироқ «Спорт-Экспресс» нашрининг ёзишича, футболчининг ўзи фаолиятини «Зенит»да давом эттиришни истамаган.

Данило жаҳон чемпионатидан сўнг Ғарбий Европанинг кучли клубларидан бирига кўчиб ўтишни режалаштирмоқда. У мундиалдаги иштироки орқали нуфузли жамоалар эътиборини тортишга умид қилмоқда.

Маълумот учун, Данило дос Сантос Бразилия чемпионатининг жорий мавсумида 9 та ўйинда майдонга тушиб, 6 та гол ва 2 та голли узатма қайд этди.