Мюнхеннинг «Бавария» клуби ҳужумчиси Николас Жексон ёзги трансфер ойнасида ижара муддати якунлангач, Лондоннинг «Челси» клубига қайтади. Бу ҳақда таниқли журналист Флориан Плеттенберг ўзининг Х (собиқ Twitter) ижтимоий тармоғидаги саҳифасида маълум қилди.

«Бавария» раҳбарияти ва жамоа бош мураббийи Венсан Компани футболчининг ўйини ҳамда профессионализмидан мамнун. Бироқ шартноманинг ёзда якунланиши аввалдан режалаштирилган ва ҳозирги вақтда ижарани узайтириш ёки футболчини тўлиқ сотиб олиш бўйича ҳеч қандай музокаралар олиб борилмаяпти. Жексонга бошқа клублар томонидан ҳам катта қизиқиш бор, аммо у дастлаб «Челси» ихтиёрига қайтади», — деб ёзади Плеттенберг.

Маълумот учун, 24 ёшли Николас Жексон жорий мавсумда Германия Бундеслигасида 19 та ўйинда майдонга тушиб, 6 та гол ва битта голли узатмани ўз ҳисобига ёздириб қўйди. Шунингдек, у Чемпионлар лигасида 8 та баҳсда иштирок этиб, рақиблар дарвозасини 3 бор ишғол қилди ва 2 та голга ҳаммуаллифлик қилди.