«Барселона» ярим ҳимоячиси Гави жамоадоши Ламин Ямалнинг жароҳати ҳақида ўз фикрларини билдирди.

«Кўк-анорранглилар» вингери чоршанба куни бўлиб ўтган «Сельта»га қарши ўйиннинг биринчи бўлими охирида алмаштирилган эди. Майдонни тарк этишидан бироз аввал 18 ёшли футболчи пенальтини аниқ амалга ошириб, учрашувдаги ягона гол муаллифига айланганди.

«Мен учун Ламин — энг яхшиси. Албатта, бу жамоа учун оғриқли зарба, чунки у асосий ўйинчимиз ҳисобланади. У жуда хафа, чунки ўзининг жамоа учун қанчалик муҳимлигини яхши тушунади. Унинг қанча вақт сафдан чиққанини билмайман, лекин умид қиламанки, у тезроқ сафга қайтади», — дея Гавининг сўзларини келтирмоқда Испания ОАВлари.

Каталонияликлар навбатдаги учрашувни шанба куни, 25 апрель санасида «Хетафе»га қарши ўтказишади.