«Barselona» yarim himoyachisi Gavi jamoadoshi Lamin Yamalning jarohati haqida o‘z fikrlarini bildirdi.
«Ko‘k-anorranglilar» vingeri chorshanba kuni bo‘lib o‘tgan «Selta»ga qarshi o‘yinning birinchi bo‘limi oxirida almashtirilgan edi. Maydonni tark etishidan biroz avval 18 yoshli futbolchi penaltini aniq amalga oshirib, uchrashuvdagi yagona gol muallifiga aylangandi.
«Men uchun Lamin — eng yaxshisi. Albatta, bu jamoa uchun og‘riqli zarba, chunki u asosiy o‘yinchimiz hisoblanadi. U juda xafa, chunki o‘zining jamoa uchun qanchalik muhimligini yaxshi tushunadi. Uning qancha vaqt safdan chiqqanini bilmayman, lekin umid qilamanki, u tezroq safga qaytadi», — deya Gavining so‘zlarini keltirmoqda Ispaniya OAVlari.
Kataloniyaliklar navbatdagi uchrashuvni shanba kuni, 25 aprel sanasida «Xetafe»ga qarshi o‘tkazishadi.
