«Аталанта»нинг чап қанот ҳимоячиси Лоренцо Бернаскони фаолиятини «Ювентус»да давом эттириши мумкин.

«Кекса синьора» скаутлари 22 ёшли футболчини Италия Кубоги ярим финали доирасидаги «Лацио»га қарши кечган яқиндаги ўйинда кузатишди, деб хабар бермоқда журналист Николо Скира. Турин гранди ёш италияликни ўзларининг устувор трансфер мақсадларидан бири деб ҳисобламоқда. «Аталанта» латеральнинг нархини 25 миллион еврога баҳоламоқда.

Лоренцо Бернаскони жорий мавсумда Бергамо жамоаси сафида 37 та учрашувда майдонга тушиб, ўз ҳисобига 3 та голли узатмани ёздириб қўйди. «Аталанта»нинг порлаётган юлдузи билан амалдаги шартнома 2028 йилнинг ўрталарига қадар мўлжалланган.