«Atalanta»ning chap qanot himoyachisi Lorenso Bernaskoni faoliyatini «Yuventus»da davom ettirishi mumkin.

«Keksa sinyora» skautlari 22 yoshli futbolchini Italiya Kubogi yarim finali doirasidagi «Lasio»ga qarshi kechgan yaqindagi o‘yinda kuzatishdi, deb xabar bermoqda jurnalist Nikolo Skira. Turin grandi yosh italiyalikni o‘zlarining ustuvor transfer maqsadlaridan biri deb hisoblamoqda. «Atalanta» lateralning narxini 25 million yevroga baholamoqda.

Lorenso Bernaskoni joriy mavsumda Bergamo jamoasi safida 37 ta uchrashuvda maydonga tushib, o‘z hisobiga 3 ta golli uzatmani yozdirib qo‘ydi. «Atalanta»ning porlayotgan yulduzi bilan amaldagi shartnoma 2028 yilning o‘rtalariga qadar mo‘ljallangan.