«Интер Майами» МЛС мунтазам чемпионати доирасида «Реал Солт Лейк»ни мағлуб этди (2:0).

Ярим ҳимоячи Родриго Де Пауль 82-дақиқада ҳисобни очган бўлса, ҳужумчи Луис Суарес 83-дақиқада орадаги фарқни оширди. Ҳужумчи Лионель Месси учрашувда тўлиқ ҳаракат қилди, бироқ самарали ҳаракатларни амалга ошира олмади.

Шу тариқа, мураббий Гильермо Ойос жамоаси мағлубиятсиз сериясини 8 та ўйинга етказди: 5 ғалаба ва 3 дуранг. Флорида клуби фақат мавсумнинг илк турида «Лос-Анжелес»га имкониятни бой берган эди (0:3).

Айни дамда «Интер Майами» 9 ўйинда 18 очко жамғарган ҳолда Ғарбий конференция жадвалида иккинчи ўринни эгаллаб турибди. Жамоа мавсумни 26 апрель куни «Нью-Инглэнд Революшн»га қарши баҳс билан давом эттиради.