«Челси» жамоа бош мураббийи Лиам Росеньорни истеъфога чиқаргани учун унга 27,6 миллион евро товон пули тўлайди, деб хабар бермоқда talkSPORT.
Шу тариқа, мураббий клуб бошқарувидаги ҳар бир ўйини учун 174 000 евродан, қўлга киритилган ҳар бир ғалаба учун эса 364 000 евродан даромад қилган бўлиб чиқмоқда.
Қайд этиш жоизки, ушбу товон пули миқдори футбол тарихидаги энг йирик кўрсаткичлардан бири бўлди. 41 ёшли мутахассис қўл остида «Челси» Англия Премьер-лигасида қаторасига бешта ўйинда мағлуб бўлди ва бирорта ҳам гол ура олмади.
Росеньор шу йилнинг январь ойида «Страсбург»дан «Челси»га ўтган эди. Унинг клуб билан имзолаган амалдаги шартномаси 2032 йилга қадар мўлжалланган эди.













