«Chelsi» jamoa bosh murabbiyi Liam Rosenyorni iste’foga chiqargani uchun unga 27,6 million yevro tovon puli to‘laydi, deb xabar bermoqda talkSPORT.
Shu tariqa, murabbiy klub boshqaruvidagi har bir o‘yini uchun 174 000 yevrodan, qo‘lga kiritilgan har bir g‘alaba uchun esa 364 000 yevrodan daromad qilgan bo‘lib chiqmoqda.
Qayd etish joizki, ushbu tovon puli miqdori futbol tarixidagi eng yirik ko‘rsatkichlardan biri bo‘ldi. 41 yoshli mutaxassis qo‘l ostida «Chelsi» Angliya Premyer-ligasida qatorasiga beshta o‘yinda mag‘lub bo‘ldi va birorta ham gol ura olmadi.
Rosenyor shu yilning yanvar oyida «Strasburg»dan «Chelsi»ga o‘tgan edi. Uning klub bilan imzolagan amaldagi shartnomasi 2032 yilga qadar mo‘ljallangan edi.
