Ҳужумчи Рафаэл Леау шу ёзда «Милан»ни тарк этиши мумкин.

Daily Mail нашрининг хабарига кўра, «россонерилар» португалиялик футболчини ёзги трансфер ойнасида сотишга тайёр. Ҳужумчига «Манчестер Сити», «Ливерпуль» ва «Реал» клублари қизиқиш билдирмоқда. Милан клуби ўз футболчисининг сотувидан тахминан 60 миллион фунт стерлинг ишлаб олмоқчи.

Рафаэл Леау 2019 йилда «Лилль»дан «Милан»га 49 миллион евро эвазига ўтган эди. Унинг итальян жамоаси билан шартномаси 2028 йилнинг 30 июнига қадар мўлжалланган. Жорий мавсумда ҳужумчи «россонерилар» сафида барча турнирларда 27 та ўйинда майдонга тушиб, 10 та гол урди ва 3 та голли узатмани амалга оширди.