«Арсенал»нинг собиқ футболчиси Иан Райт «канонирлар» ярим ҳимоячиси Деклан Райс «Олтин тўп»ни қўлга киритиш учун жуда катта имкониятга эга эканлигини таъкидлади.
«Агар «Арсенал» Англия чемпионатида ғолиб чиқса, Деклан Райс АПЛнинг энг яхши футболчиси бўлиши керак. Агар «Арсенал» Чемпионлар лигасида зафар қучса, Райс «Олтин тўп»ни ҳам олиши лозим. Борди-ю, Англия терма жамоаси Жаҳон чемпионатида зафар қучса, Деклан Райс учун «Олтин тўп»дан ҳам яхшироқ бўлган янги соврин ўйлаб топишлари керак», — дея Райтнинг сўзларини келтиради The Overlap.
Жорий мавсумда Деклан Райс «Арсенал» сафида барча турнирларда 48 та ўйинда майдонга тушиб, 5 та гол урди ва 11 та голли узатмани амалга оширди.
