«Arsenal»ning sobiq futbolchisi Ian Rayt «kanonirlar» yarim himoyachisi Deklan Rays «Oltin to‘p»ni qo‘lga kiritish uchun juda katta imkoniyatga ega ekanligini ta’kidladi.
«Agar «Arsenal» Angliya chempionatida g‘olib chiqsa, Deklan Rays APLning eng yaxshi futbolchisi bo‘lishi kerak. Agar «Arsenal» Chempionlar ligasida zafar quchsa, Rays «Oltin to‘p»ni ham olishi lozim. Bordi-yu, Angliya terma jamoasi Jahon chempionatida zafar quchsa, Deklan Rays uchun «Oltin to‘p»dan ham yaxshiroq bo‘lgan yangi sovrin o‘ylab topishlari kerak», — deya Raytning so‘zlarini keltiradi The Overlap.
Joriy mavsumda Deklan Rays «Arsenal» safida barcha turnirlarda 48 ta o‘yinda maydonga tushib, 5 ta gol urdi va 11 ta golli uzatmani amalga oshirdi.
